Alessandro Bastoni, mbrojtësi 27-vjeçar i Interit, pritet të jetë një nga largimet kryesore në afatin kalimtar të verës. Drejtuesit e Interit kanë vendosur një çmim prej të paktën 80 milionë eurosh për lojtarin, i cili ka kontratë me klubin deri në vitin 2028 dhe konsiderohet një nga mbrojtësit më të mirë në Itali. Barcelona dhe Liverpooli kanë shfaqur interes për Bastonin dhe kanë kontaktuar agjentin e tij, megjithëse negociatat me Interin ende nuk kanë nisur. Barcelona është e gatshme të përfshijë edhe lojtarë në ofertë, ndërsa mbetet e paqartë nëse Bastoni do të transferohet në La Liga apo Premier League.