Ministri iranian i Sportit, Ahmad Donyamali, njoftoi se kombëtarja e Iranit nuk do të marrë pjesë në Kupën e Botës 2026, e cila do të zhvillohet në SHBA, Meksikë dhe Kanada. Arsyeja kryesore e tërheqjes është vrasja e liderit suprem iranian dhe tensionet e rritura politike me SHBA-në, të cilat kanë shkaktuar konflikte dhe viktima të shumta në Lindjen e Mesme. Donyamali akuzoi qeverinë amerikane për veprime armiqësore dhe theksoi se në këto kushte nuk ka mundësi për pjesëmarrje sportive në tokën amerikane. Skuadra iraniane ishte shortuar në Grupin G dhe pritej të luante në qytete amerikane, por tani FIFA duhet të vendosë nëse do ta zëvendësojë Iranin me një tjetër kombëtare. Ndërkohë, presidenti amerikan Donald Trump deklaroi se nuk shqetësohet nëse Irani merr pjesë apo jo në turne.