Kombëtarja e Italisë ka gjetur trajnerin e ri pas dorëheqjes së Gennaro Gattusos, i cili u largua pas dështimit të ekipit për t’u kualifikuar në Kupën e Botës. Silvio Baldini, aktualisht trajner i Italisë U-21, do të marrë drejtimin e përkohshëm të ekipit të parë për ndeshjet miqësore të muajit qershor kundër Luksemburgut dhe Greqisë, më 3 dhe 7 qershor. Federata italiane e futbollit njoftoi emërimin e Baldinit si trajner të përkohshëm, ndërsa pritet që trajneri i ri i përhershëm të zgjidhet pas zgjedhjeve të federatës më 22 qershor. Pas dështimit për kualifikim, edhe presidenti i federatës, Gabriele Gravina, dha dorëheqje, duke hapur një periudhë ndryshimesh në drejtimin e futbollit italian.