Italia ka përfunduar listën me 13 qytete dhe 16 stadiume që konkurrojnë për të qenë pritëse të ndeshjeve të EURO 2032, turne që do të bashkëorganizojë me Turqinë. Afati për dorëzimin e dokumentacionit përfundoi më 31 korrik, ndërsa Federata Italiane e Futbollit ka bërë publike emrat e qyteteve që përfshihen në garë, përfshirë Milano, Roma, Napoli dhe Torino, ndër të tjera. Stadiumet duhet të plotësojnë standardet e UEFA-s, por aktualisht vetëm disa impiante në Itali i përmbushin këto kërkesa, duke krijuar shqetësime për organizimin. Një surprizë në listë është mungesa e Bergamos dhe Udines, dy qytete me stadiume të rinovuara, ndërsa procesi vijon me vlerësimin e dosjeve përpara dërgimit të listës përfundimtare në UEFA deri më 1 tetor.