Përzgjedhësi i kombëtares së Kolumbisë, Néstor Lorenzo, ka publikuar listën përfundimtare me 26 futbollistë për Kampionatin Botëror 2026, duke ruajtur besimin te grupi që siguroi kualifikimin. Liderët kryesorë të ekipit mbeten ylli i Bayern Munich, Luis Diaz, dhe veterani James Rodriguez, i cili është në formë të mirë dhe mund të luajë në Botërorin e tij të fundit. Një nga surprizat e mëdha në listë është përjashtimi i veteranit 37-vjeçar Juan Guillermo Cuadrado, si dhe mungesa e sulmuesve Jhon Jader Durán dhe Rafael Santos Borré, ndërsa janë preferuar emra të tjerë si Juan Camilo Hernández, Jhon Córdoba dhe Luis Javier Suárez. Kolumbia do të garojë në grupin K, ku do të përballet me Portugalinë, Republikën Demokratike të Kongos dhe Uzbekistanin, duke synuar një performancë të lartë pas 8 vitesh mungesë në Botëror.