Jasir Asani, sulmuesi i Kombëtares shqiptare, shkroi një faqe të re në historinë e klubit iranian Esteghlal në ndeshjen kundër Sepahanit. Ai shënoi golin e 4-t të ndeshjes, që ishte gol i 1100-të i klubit në kampionatin iranian, duke e bërë Esteghlalin klubin e parë që arrin këtë shifër në Iran. Ky gol i dha avantazhin skuadrës së tij në një përballje të fortë dhe ishte gjithashtu goli i 100-të në karrierën e Asanit me klubet. Klubi dhe tifozët e kanë përshëndetur këtë arritje, duke e konsideruar mbrëmjen si një moment të paharrueshëm për ekipin dhe për sulmuesin shqiptar, i cili po luan një rol kyç në luftën për titullin kampion këtë sezon.