Mbrojtësi i Barcelonës, Joao Cancelo, ka zbuluar se gjatë periudhës së tij te Al Hilal në Arabinë Saudite është ndjerë i gënjyer nga drejtuesit e klubit, të cilët nuk e regjistruan në listën e skuadrës siç i ishte premtuar. Ai theksoi se shpesh është perceptuar si person me “personalitet të keq”, por vetë e përshkruan veten si të drejtë dhe të qëndrueshëm në fjalën e tij. Pavarësisht zhgënjimit, Cancelo nuk mban mëri dhe shprehet i lumtur për rikthimin te Barcelona, ku ka fituar edhe një trofe. Ende mbetet e paqartë nëse Barcelona do të bëjë blerjen përfundimtare të portugezit nga Al Hilal.