Sulmuesi brazilian i Chelseat, Joao Pedro, po përgatitet për një kalim te Barcelona gjatë afatit kalimtar të verës. Sipas raportimeve, ai është i vendosur të largohet nga Chelsea, pavarësisht ndryshimeve në stolin e klubit anglez, dhe dëshiron të bashkohet me klubin katalanas. Drejtori sportiv i Barcelonës, Deco, ka udhëtuar në Londër për të negociuar me përfaqësuesit e lojtarit, duke tentuar të avancojë marrëveshjen. Me 20 gola dhe 9 asistime në sezonin 2025/26, Joao Pedro shihet si zëvendësuesi i mundshëm i Robert Lewandowskit, ndërsa çmimi i tij vlerësohet rreth 75 milionë euro, me mundësi që Chelsea të kërkojë më shumë.