Sulmuesi brazilian i Chelseat, Joao Pedro, pritet të qëndrojë në “Stamford Bridge” edhe për sezonin e ardhshëm, pasi interesimi i Barcelonës për të është zbehur ndjeshëm. Chelsea ka vendosur një çmim shumë të lartë për lojtarin, rreth 120 milionë euro, duke e bërë të pamundur një marrëveshje me klubin katalanas. Joao Pedro ka pasur një sezon të mirë individual me 20 gola dhe 6 asistime në 53 ndeshje, por kjo nuk e ndihmoi Chelsean të shmangte një sezon zhgënjyes, duke përfunduar në vendin e dhjetë në Premier League dhe duke mbetur jashtë garave evropiane. Drejtuesit e Chelseat e konsiderojnë brazilianin një pjesë kyçe të projektit të tyre dhe për momentin nuk ka sinjale që ai do të largohet.