Barcelona e ka identifikuar Julian Alvarezin si një nga objektivat kryesorë për afatin kalimtar veror, por realizimi i transferimit duket i vështirë për shkak të qëndrimit të fortë të Atletico Madridit për ta mbajtur sulmuesin. Klubi madrilen nuk është i gatshëm ta shesë yllin e tyre për më pak se 100 milionë euro, shifër që Barcelona nuk dëshiron ta kalojë. Për të avancuar në negociata, katalanasit i kanë kërkuar Alvarezit të shprehë hapur dëshirën për largim, ndërsa brenda Atleticos besohet se argjentinasi po kërkon një rrugëdalje këtë verë. Në garë për shërbimet e tij janë edhe Paris Saint-Germain dhe Arsenali, por klubi madrilen kërkon një shumë të madhe parash, duke e bërë të vështirë transferimin dhe duke lënë të hapur fatin e sulmuesit në javët e ardhshme.