Julian Alvarez, sulmuesi i Atletico Madridit, po përballet me një të ardhme të pasigurt te klubi madrilen, ku marrëdhënia me trajnerin Diego Simeone nuk është më e fortë si më parë. Pavarësisht mohimve zyrtare, interesimi i Barcelonës, Paris Saint-Germain dhe Arsenalit për lojtarin është në rritje, ndërsa kontaktet jozyrtare me përfaqësuesit e tij kanë nisur. Një faktor kyç që mund të shtyjë drejt shitjes është situata financiare e klubit, e ndikuar nga kufizimet e La Ligës dhe mungesa e investimeve të mëdha nga pronarët e rinj. Në këtë kontekst, Atletico po planifikon të sjellë në skuadër mesfushorin Bernardo Silva nga Manchester City, duke u përgatitur për ndryshime të mëdha në organikë gjatë verës.