Sulmuesi argjentinas Julian Alvarez ka bërë të qartë se në rast largimi nga Atletico Madrid, dëshira e tij e vetme është të transferohet te Barcelona. Ai ka injoruar ofertat e Arsenalit dhe klubeve të tjera që kanë shfaqur interes për shërbimet e tij, duke i komunikuar këtë edhe agjentit të tij. Alvarez i kishte bërë të ditur që në muajin maj drejtuesve të Atletico Madridit se ëndrra e tij është të vazhdojë karrierën në Camp Nou. Megjithatë, klubi madrilen nuk është i gatshëm ta lejojë largimin e tij për momentin, pasi e konsideron pjesë kyçe të projektit dhe ai ka kontratë deri në vitin 2030. Barcelona po monitoron situatën dhe përpiqet të bindë Atletico Madridin për të negociuar transferimin e sulmuesit.