Jurgen Klopp, pas një periudhe si drejtor i futbollit në Red Bull, po konsiderohet seriozisht për rikthim në rolin e trajnerit, me mundësinë e marrjes së drejtimit të Kombëtares së Gjermanisë. Aktualisht, Julian Nagelsmann është trajner i kombëtares me kontratë deri në vitin 2028, por e ardhmja e tij varet nga performanca e ekipit në Kupën e Botës. Nga ana tjetër, spekulimet për një kalim të Klopp te Real Madrid janë përjashtuar nga rrethi i tij i afërt, pasi ai nuk do të pranojë presionin dhe menaxhimin e një klubi me yje të shumtë. Brenda Red Bull ka shqetësime për mungesën e tij të shpeshtë në ndeshje dhe stërvitje, dhe largimi i tij po konsiderohet një mundësi reale për këtë verë.