Sonte në Londër, Jurgen Uldedaj do të përballet me britanikun Austine Nnamdi në një meç vendimtar për mbrojtjen e titullit botëror IBO në kategorinë Cruiserweight. Pas viteve të sakrificave dhe përgatitjeve intensive, boksieri shqiptar është vetëm një hap larg një arritjeje historike që mund ta ngrejë në elitën e boksit profesionist. Meçi zhvillohet në arenën legjendare të Wembleyt dhe fillon në orën 23:30 me kohën lokale, duke sjellë një sfidë të fortë për Uldedajn, i cili nuk bokson vetëm për veten, por për ëndrrën e çdo sportisti shqiptar që synon majën e botës. Ndërsa kundërshtari i parë Muhsin Cason u tërhoq për arsye mjekësore, Austine Nnamdi është rival i fortë dhe ambicioz, duke e bërë këtë ndeshje një moment kyç për karrierën e Jurgen Uldedajt dhe për sportin shqiptar në përgjithësi.