Robert Lewandowski mbetet objektivi kryesor i Juventusit për sezonin e ardhshëm, me klubin piemontez që i ka bërë sulmuesit polak një ofertë zyrtare njëvjeçare me pagë prej 6 milionë eurosh plus bonuse. Lewandowski, i cili në verë do të jetë lojtar i lirë pasi i skadon kontrata me Barcelonën, ka shënuar 17 gola këtë sezon dhe po shqyrton opsionet e tij për të ardhmen. Ndërkohë, Barcelona nuk është dorëzuar dhe presidenti Laporta ka kërkuar nga sulmuesi që të qëndrojë edhe për një sezon, ndërsa menaxheri i tij pritet të udhëtojë në Torino për të diskutuar ofertën e Juventusit. Përveç Juventusit, edhe Milani ka shfaqur interes për Lewandowskin, duke e bërë garën në Serie A për shërbimet e tij edhe më të fortë.