Juventus dhe Marseille po shqyrtojnë një marrëveshje të mundshme shkëmbimi për sezonin e ardhshëm, ku Mason Greenwood do të transferohet te Juventusi, ndërsa Edon Zhegrova do të kalojë te Marseille. Greenwood është një sulmues me performanca të mira, me 25 gola dhe 8 asistime në 38 paraqitje, dhe konsiderohet një opsion i rëndësishëm për riorganizimin ofensiv të Juventusit. Nga ana tjetër, Zhegrova, i cili ka kontratë me Juventusin deri në vitin 2030 dhe ka luajtur 20 ndeshje, është shumë i pëlqyer nga Marseille, që e kishte kërkuar edhe më parë. Për të finalizuar marrëveshjen, Juventusi duhet të ofrojë edhe një shumë parash përveç kartonit të Zhegrovës, duke treguar interes serioz për Greenwoodin.