Lorenzo Pellegrini, mesfushori dhe kapiteni i Romës, është në qendër të interesit të merkatos së verës pasi kontrata e tij me klubin po i afrohet fundit. Roma po punon për një rinovim, por nëse nuk arrihet marrëveshje, Pellegrini mund të largohet si lojtar i lirë, duke tërhequr vëmendjen e klubeve të mëdha si Juventusi, Newcastle United, Tottenham Hotspur dhe Arsenal. Juventusi është i gatshëm të bëjë një ofertë konkrete për mesfushorin italian, duke synuar të forcojë repartin e mesfushës me një lojtar cilësor. Nga ana tjetër, Roma dëshiron ta mbajë kapitenin në Olimpico, por e ardhmja e tij mbetet e paqartë dhe pritet të jetë një nga temat më të nxehta të merkatos së verës.