Më shumë se një javë pas ndeshjes së Juventusit ndaj Hellas Veronës në Serie A, ku Edon Zhegrova luajti për rreth dhjetë minuta dhe ishte shumë pranë golit, klubi italian vazhdon të vlerësojë paraqitjen e tij. Në ndeshjen e zhvilluar më 3 maj në “Allianz Stadium”, topi i Zhegrovës goditi shtyllën, duke i mohuar shansin për të shënuar, por teknika dhe aftësitë e tij kanë lënë përshtypje të madhe. Faqja zyrtare e Juventusit ka publikuar një video të veçantë që përmbledh momentet më të mira të mesfushorit kosovar, duke e përshkruar atë si “aftësi e pastër”. Zhegrova, i cili iu bashkua klubit nga Lille për një shumë që mund të arrijë deri në 20 milionë euro, ka luajtur kryesisht si zëvendësues dhe pritet të rikthehet në fushë në ndeshjen ndaj Fiorentinës më 17 maj.