Juventus ka realizuar një transferim surprizë duke siguruar shërbimet e mbrojtësit turk Zeki Celik, i cili ishte shumë pranë rinovimit të kontratës me Romën. Pavarësisht marrëveshjes paraprake mes Celikut dhe klubit kryeqytetas, kontrata e tij skadoi më 30 qershor, duke e lënë lojtarin si të lirë dhe duke i hapur rrugë Juventusit për të ndërhyrë në momentin e fundit. Mbrojtësi 29-vjeçar ka kryer testet mjekësore në Torino dhe pritet të firmosë një kontratë trevjeçare me bardhezinjtë, duke përforcuar kështu skuadrën pa asnjë kosto për kartonin e tij. Kjo lëvizje e Juventusit përbën një goditje të rëndë për Romën, e cila ishte e bindur se kishte mbyllur marrëveshjen për rinovimin e Celikut.