Juventus po kërkon të forcojë repartin ofensiv dhe ka vënë në shënjestër sulmuesin e Manchester United, Joshua Zirkzee, si alternativë ndaj Randal Kolo Muani. Klubi torinez po përpiqet të përshpejtojë negociatat me PSG-në për Kolo Muanin, por nuk dëshiron që bisedimet të zvarriten dhe ka përgatitur një listë me alternativa, ku përfshihen edhe Richarlison nga Tottenham dhe Mateo Pellegrino i Parmës. Manchester United e vlerëson Zirkzeen mes 35 dhe 40 milionë eurove dhe është i gatshëm të diskutojë opsione të ndryshme për transferimin e tij. Sulmuesi holandez, i cili ka pasur një periudhë të vështirë në Angli, është i hapur për rikthim në Serie A, ku më parë pati suksese me Bolognën.