Juventus po ndjek me kujdes situatën e mbrojtësit argjentinas Nicolas Tagliafico, duke shqyrtuar mundësinë e transferimit të tij për të forcuar krahun e majtë. Ky interes është i lidhur ngushtë me të ardhmen e Juan Cabal, mbrojtësit kolumbian që po ndiqet nga Atalanta dhe mund të largohet nga Torino. Nëse Cabal largohet, Juventusi pritet të intensifikojë përpjekjet për të marrë Tagliaficon, i cili aktualisht është nën kontratë me Lyonin deri në vitin 2027. Largimi i Tagliaficos do të ndihmonte edhe klubin francez për të reduktuar shpenzimet e pagave në prag të mbylljes së merkatos.