Juventus po përballet me një situatë kritike në garën për një vend në Ligën e Kampionëve, duke qenë vetëm një pikë përpara Romës me tri ndeshje të mbetura në Serie A. Moskualifikimi në elitën evropiane do të ketë pasoja të mëdha financiare dhe sportive për klubin torinez, duke rrezikuar largimin e disa prej lojtarëve kryesorë, përfshirë talentin e ri Kenan Yildiz. Real Madrid vazhdon të shfaq interes të madh për sulmuesin turk, i cili këtë sezon ka shënuar 11 gola dhe ka dhënë 10 asistime, duke e bërë atë një objektiv të rëndësishëm për merkato. Nëse Juventusi dështon të sigurojë kualifikimin, edhe ylli tjetër Dusan Vlahovic dhe titullarë të tjerë si Conceiçao dhe Bremer mund të largohen, pasi klube të mëdha evropiane janë gati të investojnë për ta.