Juventusi po përgatitet për një transformim të madh në merkato, duke synuar rikthimin në nivelet më të larta të futbollit evropian. Pas emërimit të Luciano Spallettit, drejtuesit bardhezi kanë vënë në shënjestër dy futbollistë të Liverpoolit: portierin Alisson Becker dhe mbrojtësin e majtë Andrew Robertson. Alisson thuhet se ka arritur marrëveshje paraprake për një kontratë trevjeçare me Juventusin, ndërsa raporti i mirë mes tij dhe Spallettit është një faktor kyç në këtë operacion.