Juventus po përgatitet për një merkato aktive këtë verë, duke synuar të sjellë në skuadër tre lojtarë nga Real Madridi. Në krye të listës është Brahim Díaz, i cili shihet si alternativa kryesore nëse nuk arrihet marrëveshje me Bernardo Silva, për shkak të kërkesave të larta të portugezit. Përveç tij, bardhezinjtë po ndjekin me interes edhe mbrojtësin David Alaba, i cili mund të transferohet si lojtar i lirë, por me kujdes për gjendjen e tij fizike. Një tjetër emër në radar është sulmuesi i ri Gonzalo García, për të cilin Juventusi mund të përdorë një formulë huazimi me opsion riblerjeje, duke u bazuar në modelin e mëparshëm me Álvaro Morata.