Juventus ka nisur negociatat për të përforcuar portën me Alisson Becker, portierin e Liverpoolit, i cili shihet si kandidati ideal për sezonin e ardhshëm. Braziliani, i cili ka luajtur më parë në Serie A me Romën, është i hapur për një transferim, por gjithçka varet nga vendimi i Liverpoolit, që rinovoi kontratën e tij vetëm muajin e kaluar. Juventus po tenton të ulë çmimin prej 15 milionë eurosh që Liverpool ka vendosur për Alissonin, duke shpresuar të realizojë një marrëveshje më të favorshme. Megjithatë, kjo qasje ka irrituar drejtuesit e Liverpoolit, të cilët mund të kërkojnë oferta nga klube të tjera, duke vënë në dyshim suksesin e Juventusit në këtë transferim.