Juventusi po kërkon të forcojë repartin e mbrojtjes dhe ka vendosur në listën e tij kapitenin e Kombëtares shqiptare, Berat Gjimshitin, i cili do të jetë futbollist i lirë në qershor pasi nuk ka rinovuar kontratën me Atalantën. Megjithatë, mosha e 33-vjeçarit paraqet një sfidë për marrëveshjen, edhe pse trajneri Spalletti e vlerëson për aftësitë teknike dhe fleksibilitetin në lojë. Përveç Juventusit, edhe Roma e Gasperinit dhe Milani kanë shfaqur interes për mbrojtësin kuqezi, i cili këtë sezon ka luajtur 32 ndeshje dhe ka shënuar një gol në Kupën e Italisë. Aktualisht nuk ka sinjale për rinovimin e kontratës së tij me Atalantën, e cila dëshiron ta mbajë liderin e skuadrës, por situata mbetet e hapur.