Juventusi po përpiqet të përforcojë repartin ofensiv me një sulmues të ri para mbylljes së afatit kalimtar të verës, ndërsa trajneri Luciano Spalletti kërkon një qendërsulmues shtesë. Objektivi kryesor është Mateo Retegui, sulmuesi 27-vjeçar i Al-Qadsiah dhe i kombëtares italiane, i cili shihet si një kandidat ideal për “Zonjën e Vjetër”. Megjithatë, paga e lartë prej 20 milionë eurosh në vit përbën një pengesë të madhe në negociata, duke bërë që Juventusi të preferojë një huazim fillestar. Përpara se të bëjë një transferim të ri, klubi duhet të largojë Jonathan Davidin, ndërsa në listë janë edhe alternativa si Joshua Zirkzee dhe Alexander Sorloth. Spalletti e njeh mirë Reteguin nga koha kur ishte trajner i kombëtares italiane dhe vlerëson intensitetin dhe instinktin e tij në zonën e rreptësisë.