Juventusi ka hyrë zyrtarisht në regjimin “Settlement Agreement” të UEFA-s, pasi nuk ka përmbushur kriteret e reja të qëndrueshmërisë financiare. Klubi italian do të monitorohet për tre sezonet e ardhshme dhe është i detyruar të paguajë një gjobë prej 20 milionë eurosh, që rrjedh nga marrëveshja e vitit 2023. Në rast se Juventusi nuk arrin të përmbushë objektivat vjetorë të përcaktuara nga UEFA, rrezikon kufizime në regjistrimin e lojtarëve në Listën A dhe përjashtim nga garat evropiane. Klubi duhet të arrijë pajtueshmëri të plotë me rregullat financiare deri në sezonin 2028/29 për të shmangur sanksione më të rënda.