Juventusi po përgatit një ofertë trevjeçare për yllin e Manchester City, Bernardo Silva, i cili mund të largohet si lojtar i lirë këtë verë pasi kontrata e tij skadon në qershor. Klubi italian është gati t’i ofrojë një pagë prej të paktën 7 milionë eurosh në sezon, me opsion edhe për një sezon shtesë, duke bërë përjashtim nga politika e zakonshme për lojtarët mbi 30 vjeç për shkak të cilësisë dhe përvojës së Silvës. Juventusi ka njoftuar agjentin e lojtarit, Jorge Mendes, dhe negociatat për pagën pritet të nisin së shpejti. Përveç Juventusit, interes për Silvën kanë shfaqur edhe Barcelona, Inter Miami dhe Galatasaray, por lojtari pritet të marrë vendim për të ardhmen e tij në muajin maj.