Juventusi ka identifikuar tre objektiva kryesore për afatin kalimtar të verës, duke synuar përforcime të mëdha në skuadër. Klubi italian dëshiron të sjellë në “Allianz Stadium” qendërmbrojtësin Kim Min-jae nga Bayern Munich, sulmuesin Randal Kolo Muani nga PSG dhe mesfushorin Koke nga Atletico Madrid. Pavarësisht dështimit për t’u kualifikuar në Ligën e Kampionëve dhe vetëm një vend në Ligën e Evropës, trajneri Luciano Spalletti është i vendosur të ndërtojë një ekip konkurrues për sezonin e ardhshëm. Largimet e mundshme të Dusan Vlahovic dhe Jonathan David kanë bërë që Juventusi të kërkojë forca të reja në sulm, ndërsa Kim Min-jae mbetet një objektiv afatgjatë për mbrojtjen, duke pasur parasysh bashkëpunimin e tij të mëparshëm me Spallettin te Napoli.