Gjashtë sportistë të rinj nga Peja dhe Mitrovica, së bashku me dy trajnerë të ekipit kombëtar të ngjitjes sportive të Kosovës, morën pjesë në një kamp profesional gjashtëditor në Wernigerode të Gjermanisë. Ky kamp u organizua në bashkëpunim me klubin DAV-Wernigerode dhe përfshiu trajnime intensive në disiplinat Bouldering dhe Lead, si dhe ushtrime në ambiente të mbyllura dhe në natyrë në Parkun Kombëtar Harz.