Ministria e Infrastrukturës ka njoftuar për kufizime të përkohshme në qarkullim më 24 dhe 25 qershor në aksin Ferizaj-Bibaj-Babush dhe Ferizaj-Hani i Elezit-Trudë, për shkak të Kampionatit të Kosovës në Çiklizëm 2026. Më 24 qershor do të zhvillohet gara Kronometër Individual (ITT) nga ora 10:00 deri në 12:00, ndërsa më 25 qershor gara Road Race do të nisë në ora 10:00 dhe pritet të përfundojë në ora 13:00 pas një itinerari prej 100 kilometrash. Autoritetet apelojnë që qytetarët dhe pjesëmarrësit në trafik të planifikojnë lëvizjet me kohë dhe të respektojnë udhëzimet e Policisë së Kosovës dhe sinjalizimin në rrugë. Këto masa synojnë të sigurojnë rrjedhshmërinë dhe sigurinë gjatë zhvillimit të garave sportive.