Kryetari i Komunës së Drenasit, Ramiz Lladrovci, ka pritur në takim kampionen e Evropës në futbollin amerikan, Edona Leku, pjesë e kombëtares së Finlandës. Gjatë takimit, Lladrovci u njoh me karrierën dhe sukseset e Lekut, duke vlerësuar rolin e saj kyç në triumfin e Finlandës në finalen e Kampionatit Evropian të femrave, ku fituan 6-0 ndaj Gjermanisë. Ai e përgëzoi për arritjet e saj në një sport të rrallë dhe luftarak, duke theksuar lidhjet e forta të saj me vendlindjen dhe familjen në Drenas dhe Kosovë. Në shenjë mirënjohjeje, Lladrovci i dhuroi Lekut një mirënjohje, libra dhe një medaljon të punuar nga gratë e Drenasit, ndërsa nga ajo mori në dhuratë ndërresën sportive me numrin 77.