Ministri në detyrë i Rinisë dhe Sportit, Blerim Gashani, priti përfaqësuesit e Klubit të Karatesë “Kanina” pas pjesëmarrjes së tyre në Kampionatin Mesdhetar të Karatesë në Aleksandri të Egjiptit. Ai vlerësoi lart sukseset e sportistëve, duke përgëzuar veçanërisht Valeza Gashin për medaljen e bronztë në kategorinë U21 Kumite Female -68 kg. Po ashtu, ministri përmendi renditjet e mira të Diellza Mahallës dhe Dren Gashit, duke theksuar se këto rezultate tregojnë talentin dhe përkushtimin e karateistëve kosovarë. Gashani shprehu falënderime për trajnerët dhe klubin, duke siguruar se Ministria e Rinisë dhe Sportit do të vazhdojë mbështetjen për sportistët në rrugën e tyre drejt sukseseve të reja.