Kenan Haxhihamza, portieri 29-vjeçar rahovecian, ka përfunduar kontratën me Drenicën dhe tani është futbollist i lirë. Ai pati një sezon të jashtëzakonshëm personal, duke qenë një nga lojtarët më të rëndësishëm të skuadrës me pritje vendimtare që ndihmuan Drenicën të shmangë barazhin në xhiron e fundit të kampionatit. Gjatë sezonit, Haxhihamza u përfshi disa herë në Formacionin e Javës dhe u shpall “Ylli i Javës”, duke konfirmuar formën e tij të lartë. Me përvojë të madhe në futbollin kosovar dhe duke luajtur më parë për Gjilanin, Ballkanin dhe Dukagjinin, ai pritet të jetë një nga futbollistët më të kërkuar në tregun e transferimeve, ndërsa mbetet e paqartë destinacioni i tij i ardhshëm.