Federata e Futbollit e Kosovës, në bashkëpunim me sponsorin Albi Mall, ka ndarë çmimin tradicional “Ylli i Javës” për xhiron e 33-të të Superligës, duke e vlerësuar portierin e FC Drenicës, Kenan Haxhihamza, si futbollistin më të mirë të javës. Ai u dallua me pritjet e tij vendimtare në fitoren e rëndësishme 2:1 të Drenicës ndaj SC Gjilanit, duke ndihmuar ekipin të marrë tri pikë jetike në garën për objektivat sezonale. Haxhihamza falenderoi shtabin teknik dhe kapitenët për punën e tyre në krijimin e një atmosfere të bashkuar dhe pozitive brenda skuadrës, që reflektohet në paraqitjet në fushë. Në fund, ai uroi FC Dritën për titullin kampion dhe i dëshiroi suksese në garat evropiane, ndërsa Drenica vazhdon të luftojë për pozicionet e larta në tabelë.