Negociatat për rinovimin e kontratës mes Memphis Depay dhe klubit brazilian Corinthians vazhdojnë me kërkesa të pazakonta nga sulmuesi holandez. Ai kërkon të ketë një dhomë VIP në stadiumin Neo Quimica Arena, përdorimin e stadiumit për dy ngjarje në vit dhe 50% të të ardhurave nga këto evente, kërkesa që klubi duket i gatshëm t’i pranojë. Megjithatë, një nga kërkesat më të mëdha të Depay, që përfshin një përqindje nga çmimet e fituara nga Corinthians në Kupën e Botës për Klube, është refuzuar nga drejtuesit. Po ashtu, ka mosmarrëveshje mbi sistemin e bonuseve, ku klubi kërkon që Depay të luajë një pjesë minimale të ndeshjeve për të përfituar bonuset, ndërsa ai kërkon një përqindje nga çmimet e fituara nga klubi.