Mesfushori belg Kevin De Bruyne është rikthyer në stërvitje te Napoli pas një mungese prej katër muajsh për shkak të një lëndimi të rëndë që pësoi në ndeshjen kundër Interit më 25 tetor të vitit të kaluar. Ai iu nënshtrua një operacioni dhe tani është rikuperuar plotësisht, duke u bërë gati për ndeshjen e radhës kundër Torinos, që do të zhvillohet të premten në mbrëmje në kuadër të xhiros së 28-të në Serie A. De Bruyne iu bashkua Napolit si futbollist i lirë në fillim të këtij sezoni dhe deri tani ka shënuar 4 gola dhe ka dhënë 2 asistime në 11 paraqitje në të gjitha garat me fanellën e skuadrës italiane. Ai ka kontratë me Napolin deri në verën e vitit 2027, me opsion për një vit tjetër vazhdim.