KFF Mitrovica është eliminuar nga “Europa Cup”, niveli i dytë kontinental për klubet e futbollisteve, pas një humbjeje të thellë 5:0 në ndeshjen e kthimit ndaj Metalist Kharkiv në Shkup. Ndeshja e parë në Podujevë përfundoi pa gola, por në takimin e dytë skuadra ukrainase dominoi me gola nga Viktoriya Hiryn, Daryna Apanaschenko, Olha Basanska dhe Tamila Khimich. Mitrovica kishte arritur në këtë fazë pas një kampanje pozitive në Ligën e Kampionëve, duke eliminuar kampionët e Moldavisë dhe Bullgarisë dhe duke siguruar kalimin në “Europa Cup” pas një fitoreje ndaj Ferencvaroshit. Megjithatë, përballja me Metalist Kharkiv shënoi fundin e aventurës europiane për kampionen e Kosovës këtë sezon.