Piloti italian i Mercedes, Kimi Antonelli, siguroi pole position edhe në garën e Çmimit të Madh të Japonisë në pistën e Suzuka, duke shënuar herën e dytë radhazi këtë sukses në sezonin 2026 të Formula 1. Ai përshkoi pistën me kohën 1 minutë 28 sekonda e 778 të mijtat, duke lënë pas shokun e skuadrës, George Russell, i cili u rendit i dyti. Në vendin e tretë u pozicionua Oscar Piastri me McLaren, ndërsa Charles Leclerc me Ferrari u rendit i katërti, duke treguar një performancë më të dobët krahasuar me sesionet e mëparshme. Një surprizë e madhe ishte pozicioni i 11-të i Max Verstappen me Red Bull, i cili do të nisë garën nga kjo vendndodhje për shkak të vështirësive me makinën e tij. Në dhjetëshen e parë u renditën edhe pilotë si Lando Norris, Lewis Hamilton, Pierre Gasly, Isack Hadjar, Gabriel Bortoleto dhe Arvid Lindblad.