Jürgen Klopp nuk do të jetë trajneri i ardhshëm i Real Madridit, pavarësisht zërave që e lidhin me stolin e klubit madrilen. Kandidati për president të Real Madridit, Enrique Riquelme, kishte deklaruar se në rast fitoreje do të kontaktonte me Klopp për projektin e tij sportiv, duke e konsideruar gjermanin si një nga kandidatët kryesorë. Megjithatë, agjenti i Kloppit, Marc Kosicke, ka mohuar kategorikisht këto spekulime, duke theksuar se trajneri është i lumtur në rolin e tij aktual te Red Bull dhe nuk ka plane për t’u rikthyer në drejtimin e ndonjë klubi. Kjo deklaratë duket se mbyll çdo mundësi për një rikthim të afërt të Kloppit në pankinën e Real Madridit, pavarësisht interesimit të shfaqur gjatë fushatës zgjedhore.