Kombëtarja e Kosovës në basketboll ka nisur grumbullimin për ndeshjen e parakualifikimeve për EuroBasket 2029 kundër Sllovakisë, që do të zhvillohet në Prizren në palestrën “Sezai Surroi”. Trajneri Bujar Loci ka publikuar listën e zgjeruar të lojtarëve, ndërsa skuadra do të stërvitet dy herë në ditë për të qenë gati për ndeshjen që luhet të premten në orën 19:00. Kosova do të jetë pa dy lojtarë të rëndësishëm, Dardan Berishën dhe Drilon Hajrizin, por në ekip është ftuar edhe amerikani i natyralizuar Divine Myles. Federata e Basketbollit e Kosovës ka bërë të ditur se biletat për këtë ndeshje janë në shitje me çmim prej 5 eurosh.