Kombëtarja e Kosovës në futboll ka zhvilluar stërvitjen e parë në kuadër të përgatitjeve për ndeshjet miqësore kundër Çekisë dhe Andorrës. Atmosfera në kamp është shumë pozitive, me energji të re dhe përkushtim maksimal nga lojtarët dhe stafi teknik. Ndeshjet do të zhvillohen më 31 maj në Pragë ndaj Çekisë dhe më 7 qershor në “Fadil Vokrri” kundër Andorrës. Selektori Franco Foda ka publikuar listën e lojtarëve të ftuar, ku mungojnë emra të njohur si Amir Rrahmani dhe Vedat Muriqi, por janë përfshirë talentë të rinj si Dardan Shabanhaxhaj, Valmir Matoshi dhe rikthimi i Bersant Celinës.