Kombëtarja e Kosovës po zhvillon nxehjet e fundit në stadiumin “Fadil Vokrri” para ndeshjes së rëndësishme kundër Turqisë, e cila do të nisë në orën 20:45. Kapiteni i kombëtares, Amir Rrahmani, ishte prezent për të përkrahur ekipin nga afër, duke theksuar se emocionet janë më të mëdha kur nuk luan vetë. Ai u shpreh se erdhi vetëm për këtë ndeshje dhe do të kthehet në Napoli në mëngjesin pas takimit. Fituesi i kësaj ndeshjeje do të sigurojë kualifikimin direkt për në Botëror.