Real Madridi ka zyrtarizuar transferimin e Ibrahima Konatés, mbrojtësit francez që iu bashkua klubit pa tarifë transferimi pas përfundimit të kontratës me Liverpoolin. Ceremonia e prezantimit u zhvillua në qendrën sportive të klubit, ku presidenti Florentino Pérez i dorëzoi Konatés dhurata simbolike, përfshirë fanellën me numrin 16 dhe një maket të stadiumit Santiago Bernabéu. Konaté, i cili pritet të përfitojë një pagë prej rreth 22 milionë euro në vit, vjen për të forcuar repartin defanziv që sezonin e kaluar u prek nga dëmtime të shumta. Ai është gati të debutojë në ndeshjen e ardhshme ndaj Espanyolit, ndërsa konkurrenca për vendin në qendër të mbrojtjes do të jetë e fortë mes tij, Antonio Rüdigerit dhe talentit të ri Dean Huijsen.