Mbrëmë u shënua një ngjarje e pazakontë në futbollin kosovar, ku klubi i Gjilanit prezantoi Bleart Tolajn si futbollist të ri, ndërsa Ballkani njoftoi vazhdimin e kontratës së tij për dy vite të tjera. Kjo situatë krijoi konfuzion dhe reagime të shumta nga mediat, analistët dhe tifozët, duke u konsideruar një nga momentet më të çuditshme në futbollin lokal. Ndërkohë, Bleart Tolaj nuk ka dhënë ende asnjë koment zyrtar për këtë zhvillim, por vëllai i tij Bledori ka dalë në mbrojtje duke kërkuar qetësi dhe mirëkuptim nga publiku. Ai theksoi se Blearti ka pasur arsye personale për situatën dhe premtoi se së shpejti do të sqarohet e gjithë e vërteta pas kësaj ngjarjeje.