Pas ndeshjes së tretë gjysmëfinale të plejofit në Superligën e Kosovës në basketboll, ku Trepça fitoi ndaj Pejës me rezultat 123:79, ka shpërthyer një polemikë rreth sjelljeve të basketbollistit Drilon Hajrizi. KB Peja ka reaguar ashpër ndaj Hajrizit, duke e akuzuar atë për fyerje të rëndë ndaj bankës dhe skuadrës së Pejës, si dhe për sjellje jo profesionale dhe viktimizime që nxiten edhe në publik. Peja thekson se rivaliteti mes dy klubeve ka arritur në nivele të vështira për t’u kontrolluar dhe shpreson që profesionalizmi i treguar nga kryesia e Trepçës dhe stafi i saj të reflektohet edhe tek lojtari me sjellje problematike.