Sonte në orën 19:00 në stadiumin “Fadil Vokrri” në Prishtinë zhvillohet ndeshja kyçe mes Kosovës dhe Kroacisë në kuadër të Ligës C, Grupi C2, për kualifikimet e Kupës së Botës 2027 për femra. Nën drejtimin e përzgjedhësit Sami Sermaxhaj, Kombëtarja e Kosovës ka punuar intensivisht dhe vjen me motivim të lartë për këtë përballje që mund t’i sigurojë matematikisht vendin e parë në grup dhe promovimin në Ligën B. Një fitore ose barazim ndaj Kroacisë do të garantonte gjithashtu kualifikimin në fazën play-off të Botërorit, duke shënuar një hap të rëndësishëm historik për vajzat e Kosovës. Pas një serie fitoreje, përfshirë edhe një sukses 1-0 ndaj Kroacisë më parë, pritshmëritë janë të mëdha për një spektakël futbolli dhe një rezultat pozitiv në këtë takim vendimtar.