Kombëtarja e Kosovës do të luajë sonte në stadiumin “Fadil Vokrri” në Prishtinë ndaj Turqisë në finalen e plejofit për kualifikim në Kupën e Botës 2026. Përzgjedhësi i Kosovës, Franco Foda, pritet të mbajë formacionin e njëjtë që solli fitoren 4:3 ndaj Sllovakisë, duke luajtur me sistemin 5-3-2 që në sulm shndërrohet në 3-5-2. Në portë do të jetë Arijanet Muric, ndërsa mbrojtja përbëhet nga Lumbardh Dellova, Kreshnik Hajrizi dhe Albian Hajdari, me Mërgim Vojvodën dhe Dion Gallapenin në krahë. Mesfusha do të ketë Elvis Rexhbecajn, Veldin Hoxhën dhe Florent Muslijën, ndërsa në sulm do të jenë Vedat Muriqi, kapiteni i skuadrës, dhe Fisnik Asllani.