Kombëtarja e Kosovës në futsall ka përfunduar në vendin e parë në Grupin D të parakualifikimeve për Kupën e Botës 2028, duke siguruar kalimin në raundin kryesor të kualifikimeve. Ndeshja vendimtare ndaj Malit të Zi, e zhvilluar në Igalo, përfundoi baras 3:3, me golin e barazimit të shënuar nga Drilon Haxhijaj vetëm 18 sekonda para fundit të takimit. Kosova kishte fituar më parë me rezultate bindëse ndaj Gjibraltarit (11:0) dhe Austrisë (6:3), duke grumbulluar gjithsej shtatë pikë, po aq sa Mali i Zi, por me goldallim më të mirë. Shorti për raundin kryesor do të hidhet më 19 qershor, ku 12 fituesit e grupeve do të avancojnë në “Elite Round” së bashku me katër ekipet më të mira nga vendi i dytë, ndërsa tetë të tjerat do të luftojnë për kualifikim përmes plejofit.